ಕಾರ್ಮಿಕ ಬಾಂಧವ್ಯಗಳ ಯಶಸ್ವಿ ನಿರ್ವಹಣೆ

Buy

ಮುನ್ನುಡಿ
ಅಭಿವೃದ್ಧಿಯ ಪಥದತ್ತ ದಾಪುಗಾಲಿಡಲು ಪ್ರಗತಿಪರ ಕೈಗಾರಿಕಾ ಬಾಂಧವ್ಯವು ಅತ್ಯಂತ ಪ್ರಮುಖ ಮತ್ತು ಇಂದಿನ ಸ್ಪರ್ಧಾತ್ಮಕ ಯುಗದಲ್ಲಿ ಅನಿವಾರ್ಯವಾಗಿದೆ. ಜಾಗತಿಕ ಸವಾಲುಗಳ ಮೇಲೆ ಬೆಳಕು ಚೆಲ್ಲಿ, ಸಕಾರಾತ್ಮಕ ಚಿಂತನೆ, ಅರ್ಪಣೆ ಮತ್ತು ನಿರೀಕ್ಷೆಗಳ ಮೂಲಕ ಗುರಿ ಸಾಧಿಸುವ ಕಾರ್ಯವೈಖರಿಯು ಬಹುಮುಖ್ಯವಾಗಿದೆ. ವಾಸ್ತವಿಕೆಯ ಅನಾವರಣವು ಹೊಂದಾಣಿಕೆಗೆ ರೂಪುರೇಷೆಯನ್ನೊದಗಿಸಿ ಕಲಿಕೆ ಮತ್ತು ಆಚರಣೆಯನ್ನು ಪ್ರೇರೇಪಿಸಲು ಸಹಕರಿಸುತ್ತದೆ.

ಶ್ರೀಯುತ ಗೋವಿಂದರಾಜು ಎನ್.ಎಸ್. ರವರು ತಮ್ಮ ವಿದ್ವತ್ ಮತ್ತು ವೃತ್ತಿ ಜೀವನದ ಅನುಭವದೊಂದಿಗೆ ಕಾರ್ಮಿಕ ಬಾಂಧವ್ಯಗಳ ಯಶಸ್ವಿ ನಿರ್ವಹಣೆ ಎಂಬ ಪ್ರಾಯೋಗಿಕ ಕೈಪಿಡಿಯನ್ನು ಕನ್ನಡದಲ್ಲಿ ರಚಿಸಿರುವುದು ಪ್ರಸ್ತುತ ಸಮಯದಲ್ಲಿ ಅವಶ್ಯಕ ಹಾಗಾಗಿ ಈ ಕೃತಿ ಅಭಿನಂದನಾರ್ಹವಾದುದು.
​
ಕಾರ್ಮಿಕ ಬಾಂಧವ್ಯಗಳ ಯಶಸ್ವಿ ನಿರ್ವಹಣೆಗಿರುವ ಮಾರ್ಗೋಪಾಯಗಳ ಈ ಕೈಪಿಡಿಯ ಪ್ರತಿಯೊಂದು ಅಧ್ಯಾಯದ ವಸ್ತು ವಿಷಯವು ಸುದೀರ್ಘ ಚಿಂತನೆ, ಅಭಿವ್ಯಕ್ತಿಯ ನಿಖರತೆ, ಸೂಕ್ಷ್ಮತೆ ಮತ್ತು ಭಾವನಾತ್ಮಕ ಅನುಭವಗಳಿಂದ ಮನಸೆಳೆಯುತ್ತವೆ. ಕೃತಿಯಲ್ಲಿನ ಅಂತರ್ ಕ್ರಿಯಾ ಪ್ರಕ್ರಿಯೆ, ದೃಷ್ಠಿಕೋನ ಮತ್ತು ಆಯಾಮಗಳು ವೈಜ್ಞಾನಿಕ ಮತ್ತು ವಿಶ್ಲೇಷಣಾ ಶಕ್ತಿಯನ್ನು ಪ್ರೇರೇಪಿಸುತ್ತವೆ. ಕೈಗಾರಿಕಾ ಬಾಂಧವ್ಯಗಳಿಗೆ ಸಂಬಂಧಿಸಿದಂತೆ ಕೆಲವು ಮಾದರಿಗಳನ್ನು ರೂಪಿಸುವಲ್ಲಿ ಲೇಖಕರು ಯಶಸ್ವಿಯಾಗಿದ್ದಾರೆ.

ಲೇಖಕರು ಹೆಚ್ಚು ಹೆಚ್ಚು ಕೃತಿಗಳನ್ನು ರಚಿಸಿ ವಿದ್ಯಾರ್ಥಿಗಳಿಗೆ, ಅಧ್ಯಾಪಕರಿಗೆ, ಮಾನವ ಸಂಪನ್ಮೂಲ ಅಧಿಕಾರಿಗಳಿಗೆ ಉಪಯೋಗವಾಗಲೆಂದು ಆಶಿಸಿ, ಅಂತೆಯೇ ಲೇಖಕರ ಕನ್ನಡದ ಚೊಚ್ಚಲ ಕೃತಿಯು ಕಾರ್ಯತತ್ಪರತೆಯನ್ನು ವೃದ್ಧಿಸುವಲ್ಲಿ ದಿಕ್ಸೂಚಿಯಾಗಲೆಂದು ಹಾರೈಸುವೆ.
​
ಪ್ರೀತಿಪೂರ್ವಕ ಶುಭಾಶಯಗಳು
ಪ್ರೊ. ವೈ.ಎಸ್. ಸಿದ್ದೇಗೌಡ
ಉಪಕುಲಪತಿಗಳು, ತುಮಕೂರು ವಿಶ್ವವಿದ್ಯಾಲಯ

ಪರಿವಿಡಿ

1. ಪರಿಚಯ
2. ಕೈಗಾರಿಕಾ ಬಾಂಧವ್ಯಗಳ ವಿಷಯದ ಮೇಲೆ ಇರುವ ಕಾನೂನು ಚೌಕಟ್ಟು (Legal Frame Work)
3. ಸಾಮೂಹಿಕ ಚೌಕಾಸಿ ಮತ್ತು ಒಪ್ಪಂದ ಪ್ರಕ್ರಿಯೆ (Collective Bargaining and Settlement Process)     
4. ಉತ್ತಮ ಕೈಗಾರಿಕಾ ಬಾಂಧವ್ಯಗಳಿಗೆ ಬೇಕಾದ ಮೂಲಾಂಶಗಳು ಮತ್ತು ತತ್ವಗಳು (ಮೂಲಾಧಾರಗಳು – Basics) 
5. ಉತ್ತಮ ಕೈಗಾರಿಕಾ ಬಾಂಧವ್ಯಗಳ ಸಾಧನೆಗೆ ಅನುಸರಿಸಬೇಕಾದ   ಮಾರ್ಗೋಪಾಯಗಳು (Strategies and Techniques)          
6. ಉದ್ಯಮ ಮಾಲೀಕರ ತಂತ್ರವಾಗಿ ಪ್ರತಿಬಂಧಕ ಆದೇಶ/ತಡೆಯಾಜ್ಞೆಗಳು (Injunctions)
7. ಕಾರ್ಮಿಕ ಸಂಘಗಳ ಬಾಹ್ಯ ನಾಯಕರು ಮತ್ತು ಕೈಗಾರಿಕಾ ಬಾಂಧವ್ಯ
8. ಕಾನೂನು ಸಲಹೆಗಾರರು ಮತ್ತು ಕೈಗಾರಿಕಾ ಬಾಂಧವ್ಯ
9. ಉತ್ಪಾದನಾ ವ್ಯವಸ್ಥಾಪಕರು/ಮೇಲ್ವಿಚಾರಕರು ಮತ್ತು ಕೈಗಾರಿಕಾ ಬಾಂಧವ್ಯ
10. ಕೈಗಾರಿಕಾ ಬಾಂಧವ್ಯಗಳಲ್ಲಿ ರಾಜಿ ಸಂಧಾನ ಮತ್ತು ಮಧ್ಯಸ್ಥಿಕೆ (Conciliation and Mediation)
11. ಪ್ರಕ್ಷುಬ್ಧ ಸಮಯಗಳ ನಿರ್ವಹಣೆಗೆ ಸನ್ನದ್ಧತೆ ಮತ್ತು ಪೂರ್ವಸಿದ್ಧತೆ (Contingency Plans and Preparedness)     
12. ಪ್ರಕ್ಷುಬ್ಧ ಸಮಯಗಳ ನಿರ್ವಹಣೆ (Managing Troubled Intervals)    
13. ಬಹು ಕಾರ್ಮಿಕ ಸಂಘಗಳ ವಾತಾವರಣದಲ್ಲಿರುವ ಸವಾಲುಗಳು      
14. ಕಾರ್ಮಿಕ ವಿವಾದಗಳು ಮತ್ತು ಕೈಗಾರಿಕಾ ಬಾಂಧವ್ಯಗಳು
15. ಗುತ್ತಿಗೆ ಕಾರ್ಮಿಕರು ಮತ್ತು ಕೈಗಾರಿಕಾ ಬಾಂಧವ್ಯಗಳು      
16. ಕಾರ್ಮಿಕ ಸಂಘದ ಉದಯವನ್ನು ತಪ್ಪಿಸಿದ ಕೆಲವು ಕಾರ್ಮಿಕ/ಮಾನವ ಸಂಪನ್ಮೂಲ ಮಾದರಿಗಳು    
17. ಮಾನವೀಯ ಅಂಶಗಳು ಮತ್ತು ಕೈಗಾರಿಕಾ ಬಾಂಧವ್ಯಗಳು (Human Factors)
18. ಶಿಸ್ತು ಪಾಲನೆಯ ಪ್ರಕ್ರಿಯೆ ಮತ್ತು ಆಂತರಿಕ ವಿಚಾರಣೆ (Disciplinary Procedure & Domestic Enquiry)
19. ಕೈಗಾರಿಕಾ ಬಾಂಧವ್ಯಗಳ ಸಮಸ್ಯೆಗಳು ಮತ್ತು ಪರಿಹಾರಗಳು
20. ಅಂತಿಮ ಆಲೋಚನೆಗಳು
21. ಗ್ರಂಥ ಋಣ (References)
22. ಮಾರ್ಗದರ್ಶಕರ ನುಡಿ
23. ಮೊದಲ ಓದುಗರ ಅನಿಸಿಕೆಗಳು